പ്രണയപുഷ്പം

പൂവും കായും ഇലകളും

ചേർന്നൊരു

ചെടിപോലെയാണു പ്രണയം..

സന്തോഷവും

നല്ല നിമിഷങ്ങളും പുഷ്പിക്കാൻ

അതിനു കീഴെ

പിണക്കങ്ങൾ ഇലകളായ്‌

വളരുക തന്നെ വേണം..

ഇലകൾ പഴുത്ത്‌

കൊഴിഞ്ഞുവീണു മണ്ണിലലിയും

പിണക്കങ്ങളും

കൊഴിഞ്ഞുവീണ

ഇലകളെ നോക്കി

ചെടി നെടുവീർപ്പിടാറില്ല..

സുഗന്ധവാഹിനിയായ

മനോഹരങ്ങളായ പുഷ്പങ്ങൾ

വിടർന്ന് നിൽക്കുമ്പോൾ

ചെടിയ്ക്കെങ്ങനെ

ദുഖിതയായിരിക്കാനാകും..

പഴുത്തിലകൾ കൊഴിയുമ്പോൾ

പുതിയ ഇലകൾ തളിർക്കും

പൂവിനു ഭംഗി കൂട്ടാനായ്‌ മാത്രം..

പിണക്കങ്ങളില്ലെങ്കിൽ

പ്രണയത്തിനെന്ത്‌ ഭംഗി..

ഇലകളില്ലാതെ

പൂക്കൾക്കെന്ത്‌ ഭംഗി..

ചെടി ചെടിയാവാൻ

പ്രണയം പ്രണയമാകാൻ

എല്ലാം കൂടിയേ തീരൂ..