ഐസ് പലപ്പോഴും
ജീവിതത്തെ അനുസ്മരിപ്പിക്കുന്നു
നുണഞ്ഞ്‌ നുണഞ്ഞ്‌ കോലു ബാക്കിയാക്കുന്ന
മധുരമുള്ള ഐസ് മുതൽ
ടൈറ്റാനിക്ക്‌ തകർത്ത
ഭീമൻ ഐസ് കട്ട വരെ..
തണുത്തുറഞ്ഞ്‌ രൂപപ്പെടുന്ന
ചെറു ജീവിതങ്ങൾ..
ജീവിതച്ചൂടേറ്റ്‌ പതുക്കെപ്പതുക്കെ
അലിഞ്ഞലിഞ്ഞൊരുനാൾ ഇല്ലാതാകുന്ന
ഭൂമിയിലലിഞ്ഞ്‌ ചേർന്നാൽ
പിന്നെ ജീവിതമില്ലാത്ത,
സ്വപ്നങ്ങളില്ലാത്ത
വെള്ളശിലകൾ..
ചിലത്‌ പ്രകൃതി തീർക്കുന്ന
അതിമനോഹര ഐസ് ശിൽപ്പങ്ങൾ..
ചിലത്‌ ജീവിതത്തോട്‌
പുറംതിരിഞ്ഞു നിൽക്കുന്നവ..
വെള്ള ഐസാകുന്നതിനും
ഐസ് തിരികെ വെള്ളമാകുന്നതിനും
ഇടയിലുള്ള കുഞ്ഞിടവേളയെ
നാം ജീവിതമെന്ന് വിളിക്കുന്നു..
No comments:
Post a Comment