രക്തദാഹിയായ വാൾ

അനിശ്ചിതമായ ഭാവിയ്ക്ക്‌ നേരെ

ഭയത്തോടെ നോക്കി ഇരിക്കുക

തലയ്ക്ക്‌ മീതെ തൂങ്ങുന്ന വാൾ...

തല അരിഞ്ഞിടുന്നതെപ്പോഴെന്നറിയാതെ

ഓരൊ വട്ടവും അവൾ വാളുയർത്തുമ്പോൾ

കണ്ണടച്ച്‌ എല്ലാം തീർന്നെന്ന്

നിനയ്ക്കുക..

ഉയർത്തിയ വാൾ അവൾ ദയ തോന്നി

ഉറയിലിടുമ്പോൾ

തൽക്കാലം രക്ഷപ്പെട്ടതിന്റെ ആഹ്ലാദം മുഖത്ത്‌ വിരിയുമ്പോഴും

ഇനി അടുത്ത ശ്രമം എപ്പോഴാണെന്ന ഒരു ഭയം കണ്ണുകളിൽ നിഴലിയ്ക്കും..

ഒരുനാൾ ഒരു ദയവുമില്ലാതെ അവൾ വെട്ടിയെടുക്കും എന്നറിയാം..

പക്ഷെ അതുവരെ അവളുടെ മടിയിൽ തല വെച്ച്‌ കിടക്കണം എനിയ്ക്ക്‌..!!